إذا كنت فرداً أو صاحب شركة وتفكر في فهم مجال التسويق الإلكتروني، فعليك بشكل مبدأي أن تعقد النية على الاستمرار في تعلم هذا المجال (التسويق الإلكتروني) حتي تُصبح مسوق إلكتروني ناجح.

ولكن أيضاً عليك تجنب الكثير من الأخطاء التي يقع بها الكثيرين ممكن يعملون في هذا المجال، وتجنب توظيفهم في شركتك حتى لا تقم بتدمير أعمالك وضياع أموالك هباءً، فإذا كنت تمتلك الشغف أكمل هذا المقال حتى النهاية، أو قم بمشاهدة هذه الحلقة الكاملة عمر صفحة عبدالله الجزار على يوتيوب.

1-لماذا يجب البعض أن يُصبح مسوق إلكتروني ناجح؟

من وجهة نظري، تكمن الإجابة في نقطتين:

الأولى: أن مجال التسويق الإلكتروني له مستقبل حقيقي ولأن العالم متوجهة ناحية الديجيتال في كل شئ وبالتالي لك أن تتخيل كيف سيكون وضع التسويق الإلكتروني بعد 5 سنوات وفرص العمل به!، وربما وقت أزمة كورونا فأحد أكبر وأقوى المجالات التي لم تتأثر بما حدث هو مجال التسويق الإلكتروني.

الثانية: وهو (استسهال) وهنا أقصد تماماً أن هناك البعض يقوم بالبحث عن (كيف تصبح مسوق إلكتروني ناجح) ومع الأسف يقرأ ويتعلم من مصادر خاطئة ويحصّل معلومات خاطئة ويظن أن مجال التسويق الإلكتروني سهل وبسيط وما هو إلا بعض المنشورات عبر الانترنت وفقط.

في الواقع التسويق الإلكتروني مجال أكبر وأوسع بكثير من ذلك، ولهذا السبب فكرت جدياً في انتاج حلقة عبر يوتيوب تتحدث عن أكبر الأخطاء التي يمكن أن تقع فيها بمجال التسويق الإلكتروني.

لكن الحقيقة الموضوع أكبر من كده فعلا، والجزء ده تحديداً هو السبب في أني أبدأ السلسة دي بعنوان حلقة زي ده..

ازاي تبقى مسوق إلكتروني فاشل.

فتعالى بقي معايا نشوف مع بعض ايه الأخطاء دي وتعرف بعدها انت بتبني ولا بتدمر مستقبلك المهني.

///// STING

أول حاجة لازم نؤمن بيها كلنا، إن أكبر غلط ممكن الواحد يقع فيه بحياته بشكل عام، انه ميبقاش فاهم، لو انت مثلا مش فاهم صاحبك هتعرفوا تتفاهموا؟

لو انتِ مش فاهمة مديرك في الشغل أو مديرك مش عارف يفهم شخصيك، متخيلة العلاقة بينكم هتكون عاملة إزاي؟

نفس الفكرة بقي في بالتسويق الإلكتروني، أكبر غلط ممكن الواحد يقع فيه.. انه ميبقاش فاهم…

ميبقاش فاهم التسويق ده بيمشي إزاي؟ ميبقاش فاهم مصطلح الخوارزميات، ميبقاش فاهم العميل اللي معاه محتاج ايه ولا ايه أهدافه، ميبقاش مستوعب انه مش كل منصات التسويق تنفع لكل الشغل…

وكل اللي بقولك عليه ده عكس منطق التسويق تماماً. وفي نماذج كتير فعلا بتشتغل بالمنطق ده..

اذن رقم ١ في أسباب إنك تبقي مسوق إلكتروني فاشل… هي إنك متبقاش فاهم.

رقم ٢ والاهم إنك تشتغل من غير خطة مبنية على دراسة حقيقة للسوق اللي انت داخل عليه…

مثال من برة المنهج شوية… انت لو داخل تاخد فيزا لدولة أوروبية، بتلاقي نفسك عمال تسأل هو الدولة دي وضعها ايه؟

نوع أسئلة السفارة دي ايه؟ وتفضل تجهز نفسك وترتب أمورك كلها عشان لم تقدم أوراقك تتقبل….

والمرحلة دي اسمها تخطيط ودراسة يعني انت بتخطط لمقابلة ما… وبتدرس الظروف اللي هتكون فيها عشان لما تروح تعرف تتعامل مع اللي ممكن تقابلة في السفارة…

طيب لو مخططتش؟ ولو مدرستش وسألت وعرفت؟ هتلاقي نفسك في الغالب لابس في حيطة هتدايقك.

تعالي بقي طبق الكلام ده على نموذج تسويقي … ولنفترض مثلا إنك بتسوق لشركة عقارات وهدف الشركة دي تحقيق مبيعات مثلا بقيمة ١٠ مليون جنية مصري، يا ترى هتبدأ منين؟ هتدرس وتخطط لمراحل تحقيق الهدف ده ولالا؟

طيب هتبدأ إعلانات مباشرة؟ ولا هتكتب محتوى وتشتغل نشر على الصفحات الأول؟ طب هتتكلم عن إيه؟؟ ايه هتكون خطتك للوصول للهدف ده؟

الراجل اللي هيشتري شقة بمليون ولا ٢ مليون من أي شريحة؟ طيب طريقة مخاطبتك له في الإعلانات هتكون إزاي؟

هتعتمد أي طريقة في التسويق؟ ايه المنصات اللي موجود عليها الراجل ده؟ هتوصلة ازاي؟ وبكام؟

شوفت كام سؤال المفروض تمر عليهم قبل ما تبدأ في التنفيذ؟

وفي زيهم تاني كتير… لذلك بقولك انه الشغل من غير تخطيط بالورقة والقلم، هيسبب خسارتك لوقتك اللي بيضيع وخسارة للراجل اللي بيصرف فلوس على الإعلانات وهو كمان مش فاهم إنك مش فاهم.

طب اسمع بقي النصيحة دي من أحد متخصصين التسويق الرقمي…

رسالة فويس لأحد المتخصصين في مجال التسويق يتكلم عن لو حد شغال في التسويق ومش فاهم؟ وشغال من غير خطة

20 ثانية

///// STING

من الأساطير الخاطئة في مجال التسويق الالكتروني، هو اعتقاد البعض انه السوشيال ميديا هدفها الأول والأخير هو البيع وبس، من غير ما يكونوا عارفين انه عدم التنوع في الرسائل اللي بتوصلها لعميلك شيء مُضر جدا.

وارجع معايا لثواني فاتت لما قولتلك عن شركة العقارات وسألتك العميل بتاعك هتوصله إزاي؟ وطريقة مخاطبتك له في الإعلانات هتكون إزاي؟

وهنا الحقيقة لازم أذكر نقطتين عشان متفهمش أني بحكي عن الإعلانات وبس…. أنا بكلمك عن الإعلانات والمنشورات والمقالات كمان.

العميل ده بيستفيد منك ايه؟بتعلمه ايه؟ ايه الاضافه اللي بياخدها من متابعتة لصفحتك؟

إنك تستهدف عميل بخطاب بيع مباشر مش كافي أبداً ان العميل يقتنع بيك ويشتري منك، وحط نفسك مكان العميل ده.

انت كشخص عادي بتابع ١٠ صفحات عقارية وكل صفحة تنافس التانية في انها تلحق تنزل المنشورات اللي بتتكلم عن اشتري شقتك والحق العرض… اعتقد انت لو مكان العميل ده غالبا هتلغي متابعتك للصفحات دي.

وهنا هيجي السبب رقم 3 وهو إنك متبقاش عارف هدفك من وجود الشركة اللي بتسوق ليها على منصات التواصل الاجتماعي وتكون معتقد انه بث رسايل بيع مباشرة فقط… هيحقق هدفك وتبيع بيها الشقة.

وعشان تتجاوز النقطة دي.. فكر في هدف يخلي صفحة الشركة دي ليها أهمية.. قدم محتوى تفاعلي.. علّم العميل ازاي يفرق بين خامات ديكور الشقة قبل ما يشتري مثلا؟

خلي عندك نوع تواصل مع العميل مختلف من خلال الصفحة… أتكلم معاهم عن الفوايد دايما..مش بس المزايا

لأن دايما الفايدة مبنية على الميزة، وضّح للعميل الفايدة أو الـ Valuo اللي هياخدة من انه يشتري شقة في مكان في التجمع الخامس مثلا!

اكتب مقال على موقعك الإلكتروني عن الفرق بين الاستثمار في المجال الفلاني والمجال الفلاني.. ده لو انت بتسوق لشركة إستثمار طبعا…. وخد المقال ده حوله لمنشورات تنزل على السوشيال ميديا بطريقة مختلفة!

وعلى سيرة المواقع الالكترونية، فالسبب الرابع اللي لو عملتة مش هتكون ناجح في التسويق… هو اعتقادك ان وجود موقع إلكتروني فقط بيكفي إنك تسوق للشركة ومش محتاج لمواقع التواصل الاجتماعي.

الحقيقة ان وجود موقع إلكتروني شيء مهم جداً وأنا كنت عملت حلقة كاملة عن أهمية وجود موقع إلكتروني ليك.. تقدر تشوف الحلقة من وصف الفيديو أو علامة ال آي اللي فوق.

لكن على الرغم من ان وجود موقع ليك مهم ولا غنى عنه لكن ده لا يُغني أبدا عن تواجدك على منصات السوشيال ميديا….

الموقع فعلا بيساعدك إنك تعرض منتجاتك بشكل أوسع وبيعزز ثقة العميل بس في النهاية الموقع مش هيسوق نفسه بنفسه يعني.

فإنك تكون متواجد على باقي المنصات ده شيء مهم جداً لأنه في النهاية هيدعم موقعك كذلك، ومش عاوز ننسي بردو شيء مهم، وهو ان كل عميل بيرتاح لمكان معين…

في عميل يرتاح على إنستجرام، وفي عميل يرتاح على تويتر

وفي عميل ملهوش في السوشيال ميديا خالص واللي بيحتاجه بيدخل يعمل سيرش على جوجل علطول ويوصلة من خلال موقعك.

فتخيل بقي لو انت ركزت على وسيلة واخدة بس؟ يا ترى هتخسر كام عميل؟

خد النصيحة دي كمان في الفويس مسج اللي جاي

رسالة فويس لأحد المتخصصين في مجال التسويق يتكلم عن هل الموقع الإلكتروني كافي انه الواحد يعمل تسويق ويغني عن منصات التسوق التانية؟

20 ثانية

///// STING

المحتوى المسروق، وما أدراك ما المحتوى المسروق، قنبلة موقوتة تدمر حياة شركتك على الانترنت تماما.

من أحد أهم أسباب فشل خطتك التسويقية أو طريقة تسويقك ممكن يكون المحتوى المسروق اللي بتاخدة من مكان تاني وتغير فيه كلمتين وتقول إنك كاتب المحتوي ده…

للأسف ده أسوأ شيء ممكن تعمله في حياتك العملية والمهنية، أولاً لأنك بتاخد مجهود شخص تاني بدون علمه وثانياً إنك متكونش عارف الأثر السلبي لحاجة زي كدة على شغلك.

اللي ممكن عدد لا بأس به من الناس متكونش عارفاه، اننا في عام ٢٠٢١ والتكنولوجيا بتتطور بشكل سريع جدا خصوصا في مجال زي الذكاء الاصطناعي، وخوارزميات الموقع بتفهم كويس جدا هل المحتوى اللي كاتبه ده مسروق ولالا

ولو مسروق هتلاقي إنك في آخر الصف وشركتك هتنهار لأن ببساطة هيتم تصنيفك إنك حرامي وموقع زي جوجل هيفقد الثقة في اللي بتكتبه…

وبالتالي مش هيرشحك للعملاء لأنه هيعتبرك فيك ومش حقيقي وبتسرق من مواقع تانية وتحط عندك وخلاص.

وعلى سيرة الفيك كمان، أكيد الكلمة دي بتفكرك بالمتابعين وانستجرام وتويتر وزيادة المتابعين وادفع ٥٠٠ جنيه واحصل على ١٠٠٠ متابع كوالتي عالي.

الحقيقة انا لما بفكر في حاجه زي دي بستغرب جدا من ان في ناس ممكن تاخد قرار انها تدفع فلوس لشخص يزودلك متابعينك.

يا صديقي يا صاحب الشركة ويا صديقي اللي بتفكر تدخل في محال التسويق الإلكتروني أو شغال فيه وبتعمل الموضوع ده

اللي بتعمله اسمه تضليل للعميل وتضليل لصاحب الشركة اللي بتشتغل فيها… لأنه ممكن يفكر ان ده شغلك وهيوقعك في أسئلة كتير أهمها…. لما في متابعين بقدر ما على حسابك، ليه مش بيحصل بيع أو تفاعل؟

المتابعيين الوهميين مش بيحصل من ناحيتهم أي تفاعل لأنه شخص معملش متابعة ليك بإرادته، ده عمل متابعه غصب عنه من خلال برامج.

المتابعيين الوهميين هيتسببوا ان التفاعل عندك هيتدمر تماماً لأن حساب الشركة اللي انت شغال عليها هيكون مشكوك فيه..

المتابعيين الوهميين هيتسببوا إنك ممكن تصحى الصبح تلاقي تعليقات مش مناسبة خالص علي منشوراتك

المتابعيين الوهميين بيخلوا رسايل الـ spam كتيرة على الحساب..

المتابعيين الوهميين المواقع بتكشفهم بسرعة وممكن حساب شركتك يتقفل بسببهم، لأنه بيخالف شروط معظهم أو كل المواقع تقريباً.

طب إسمع اللي جاي ده

رسالة فويس لأحد المتخصصين في مجال التسويق يتكلم عن هل ضرر المتابعين الفيك.

20 ثانية

///// STING

اذن ببساطة شديدة لو كنت شخص بتفكر تدخل مجال التسويق الإلكتروني أو شغال فيه بالفعل وبتعمل كل اللي فات ده

فأرجوك بلاش تدمر مستقبلك المهني وإسمك.

ولو انت صاحب شركة إحذر مليون مرة من إنك تشغل أو توظف حد أو تتعامل مع شركة تسويق مش فاهمة احتياجاتك واهدافك… احذر من الناس اللي بتقولك انا هزودلك متابعينك قد كده كل شهر

احذر من الناس اللي بتشتغل معاها من غير ما يقدملك خطة واقعية عن اللي هيعمله

استراتيجية تسويقية، خطة تنفيذية، ميزانية إعلانية متوقعة، دراسة للسوق لأنك في النهاية بتستثمر في إسمك كشخص، وبتستثمر في إسمك كشركة.

أنا خلصت.. حلقة النھاردة من دیجیتال جيیك ويارب تكون إستفدت من اللي قولته.

لو عجبتك الحلقة أتمنى تدعم القناة بالإشتراك فيها مع اللايك والشير وتفعيل زر الجرس عشان يوصلك الحلقات الجاية اللي هكلم فيها عن طرق التسويق الإلكتروني.

أشوفك وأشوفِك بعد أسبوع في نفس الوقت.

سلام.